الاباحه اللغويه يعني الشتيمه ضروره منقدرش نستغني عنها يعني لازم لما ابقي متنرفز اشتم لما حد يعصبني اشتم وخصوصا في الاوقات اللي لما بتبقي مدايق من حد ومش عارف توصلوا زي مثلا علي الفيس بوك او تويتر بتبقي نفسك تمسكوا تطلع ميتين امو بس عشان بعيد عنك فبيبقي لازم تفش الغل اللي جواك فمبيبقاش قدامك غير انك تشتمو
الشتيمه مش مقتصره علي الشات والنت اوقات كتير بتبقي في الشارع وحد بيعمل حاجه مستفزه فبيبقي لازم تعبر عن غضبك من اللي عملو فلازم تشتم
اسمعوا الفديو ده المذيع احمد فؤاد بيتكلم عن ضرورة الاباحه في الكلام
الاباحه في الكلام مش لازم تبقي في تعاملتنا مع بعض بس لا لازم تبقي في الافلام مينفعش يبقي مشهد بيتصور في حاره شعبيه وواحد يشتم واحد يقولو يا كلب في الحارات الشعبيه الشتيمه بتبقي بالاب والام علي طول
طب اتفرجو علي شوية المشاهد واحكموا الاحسن لما يبقي الكلام مصتنع ولا لما يبقي الكلام زي اللي بيتقال في الحقيقه
ده اعلان فيلم خارج القاهره اسمعوا البنت وهي بتقول احا حتحس فعلا انها مضايقه ومتغاظه
وهنا عزت العلايلي لما شخر في فيلم القاهره ليه
وهنا بسمه وهي بتقول افشخ نفسي ، وفشختك
بعد ما سمعنا المشاهد دي طب بذمتكم مش الاحسن ان الكلام في الافلام يبقي زي الكلام في الحقيقه عشان نحس ان اللي في الافلام دول بيمثلوا الواقع مش بيزوروا عشان يبقوا شبه الناس اللي بيمثلوا شخصياتهم اصل مينفعش يبقي واحد بيمثل شخصية عيل بلطجي ويقول يا حمار
غير كده مينفعش ابقي بشتم مع اصحابي ومع ناس تانيه بتبقي العيبه مبطتلعش مني عشان كده ابقي بوشين وش علي طبيعتي قدام اصحابي ووش مصطنع قدام الناس
ليست هناك تعليقات:
إرسال تعليق