التاريخ الاسود لنجيب ساويرس

صوره صغيره لانو ميستهلش اكتر من كده

ناس كتيره مفكره ان نجيب ساويرس شخصيه ثوريه عظيمه ميعرفوش انو فلول اه وربنا فلول

طبعا ده غير ازدراءو للدين الاسلامي ، وبعد الثوره لما كل رجال الاعمال الكبار دخلوا السجن بقي هو الكبير(وعلي راي عصام سلطان عايز يبقي احمد عز الجديد)

وتعالو بقي ندخل علي تاريخ نجيب ساويرس ونفصصو واحده واحده

اولا ازدراءو للدين الاسلامي

الصوره المسيئه للاسلام

طبعا نجيب ساويرس من اكتر الناس اللي بتكره الاسلام والمسلميين واكبر دليل علي كده الصوره الكرتونيه اللي نشرها علي حسابو علي تويتر واللي شبه في المسلم الملتحي والمسلمه المنقبه بالفئران
وطبعا من كتر خوفو من الاسلام والمسلميين دعي الدول الغربيه للتدخل في مصر وطبعا مارس مهنتو المعروفه في تشويه التيار الاسلامي واتهامه بالتمويل من الخارج

طبعا ده غير انو سب الدين في برنامج مع لميس الحديدي 

 
ده بالاضافه انو انتخب احمد شفيق الفلول في جولة الاعاده كل ده عشان ميجيش محمد مرسي رئيس لمصر لانو منتمي لجماعة الاخوان المسلميين ، وناس كتير متعرفش ان سبب ترك يسري فوده لقناة اون تي في كان بسبب ان ساويرس اصدر تعليمات ان محدش يتكلم علي تاريخ احمد شفيق الفلول طبعا الكلام ده معجبش يسري فوده فقرر انو يسيب القناه

ثانيا تحولاتو السياسيه من مؤيد لمبارك لمناصر للثوره

لقاء تليفزيونى مع المذيع الأمريكى شارلى روز قال بالحرف: «أنا أؤيد حسنى مبارك لأنه رجل عاقل جدا وفعل الكثير من أجل الوطن وهو يفعل دائما الصواب.. أؤيد مبارك لأنه أنشأ علاقات جيدة بإسرائيل ولأنه ساند الغزو الأمريكى للعراق

.

وهنا مداخله لبرنامج 48 ساعه مع سيد علي وهناء السمري (نجوم الاعلام المضلل اثناء الثوره ) وهنا استحضر نجيب ساويرس شخصية تامر من غمره واتحمق عشان مبارك

لقاء علي bbc  العربيه بيقول ان نظام حسني مبارك جاد في خطوات الاصلاح وهناك فئه كبيره من الشعب وانا واحد منهم نرفض رحيل مبارك 

علي قناتو ontv مع ريم ماجد ووصلة مدح لمبارك وبيقول لازم نديلو فرصه والراجل ده لازم يخرج رافع راسو( تحذير هام متتفرجش علي الفيديو ده وانت صايم عشان اكيد حتشتم ساويرس)

لقاء في قناة العربيه والمذيع بيتكلم علي الاستقبال الحافل اللي استقبلوا ابناء مبارك لنجيب ساويرس
 

وبعد ما الثوره نجحت تحول ساويرس الي مؤيد للثوره وكاره لنظام مبارك وافعاله

مع معتز الدمرداش علي قناة المحور و بيدعي ان ربنا ميرجعش الايام دي تاني

وفي النهايه نحب نقول شوية حاجات صغيره

- طبقا لاحصائيه عملتها مجلة فوربس لاغني 500 شخصيه في العالم لعام 2010 كان في 3 من عائلة ساويرس ضمن اول100 شخصيه وهما نصيف اخو نجيب وانس ابو نجيب ونجيب في المركز التالت

-  حزب المصريين الاحرار اللي هو بيموله نجيب ساويرس يبقي وكيل مؤسيسي راجي جمال الدين محمد سليمان ابن شقيق عمر سليمان وتخيل بقي ان الوكيل التاني هوهاني سري صيام رئيس البورصة السابق وعضو لجنة السياسات بالحزب الوطني المنحل وأحد المقربين بشدة من جمال مبارك نجل الرئيس المخلوع

- يمتلك مجموعة ملاهي ليليه زي اب ستيرز  وكازينو بومادورا  (وليه فيديو رقص مع بنات بس مرضناش نعرضوا عشان رمضان وكده)

- من عام 1998 لعام 2003 اتقدم 6 استجوابات في مجلس الشعب عن خصخة خدمة المحمول الاولي في مصر ARENTO التابعه للهيئه القوميه للاتصالات وبيعها لنجيب ساويرس بملغ مليار و750 مليون جنيه ، وبعد كده نجيب عمل شركة موبينيل والمفروض ان اي شركه بتفضل سنتين عشان اسهمها تدخل البورصه لكن شركة نجيب ساويرس دخلت علي طول (كوسه طبعا) وبعد عدة شهور سعر السهم في موبينيل بقي 85 جنيه وبعدها بكام شهر بقي السهم 180جنيه (طبعا المستثمرين الكبار بيعملوا مضاربات وهميه عشان سعر السهم يعلي والمستثمرين الصغيرين يشتروا السهم لما يلاقوه عالي )

- ابراج النيل سيتي المملوكه لنجيب ساويرس ارتفاعها 142م مع ان القانون بينص علي ان المباني اللي علي النيل ميزدش ارتفاعها علي 30 متر وياريت وصلت لكده وبس ده كمان واخد ارض مساحتها 3700 متر مربع مملكوكه لورثة المرحوم احمد الغزاوي (طبعا مدفعش حاجه للورثه هو دفع لناس تانيين زي محمد منصور وزير النقل السابق اللي ادعي ان الارض دي مملكوكه لهيئة السكك الحديد واللواء سعيد ميخائيل رئيس حي روض الفرج وعلي القبطي امين الحزب الوطني بالمنطقة روض الفرج )

-طبعا نجيب ساويرس عرف اهمية الاعلام ومدي تاثيره الكبير علي الناس فكون امبرطوريه اعلام متمثله في قناتي ontv و ontv  مباشر بالاضافه لجريدة المصري اليوم و موقع مصرواي ووكالة انباء ona التابعه لقنواتontv  وشريك في شركة انتاج مصر للسينما مع كامل ابو علي