الأربعاء، 8 أغسطس 2012

الحقيقه الكالمه لاحداث رفح



طبعا كلنا تابعنا احداث رفح ومقتل 16 جندي مصري والاخبار بقة كتير وكل جهه نشرت اخبار لصالحها لكن احنا لو رتبنا الاحداث من بدايتها حنعرف مين اللي كان ورا كل اللي حصل وتعالو نجيب الموضوع من اولو ونشوف مين المستفيد
تحذير اسرائيل
قبل الحادث ب3ايام حذرت اسرائيل رعاياها في سيناء وطالبتهم بمغادرة سيناء تحسبا لوقوع اعمال عنف
وده اللي اكده افخاي المتحدث باسم الجيش الاسرائيلي علي حسابو علي تويتر وحذر من حدوث اعمال عنف في سيناء
المذيع اسامه كمال في برنامج علي التلفزيون المصري وجه رساله للجيش وحذرهم من احداث عنف حتحصل في سيناء واستدل بكلام افخاي المتحدث الرسمي للجيش الاسرائيلي

يوم  6\8\2012  في وقت الفطار قام مجموعه من المسلحيين بمهاجمة وحده تابعه للجيش المصري وقتلو 16 جندي مصري وسرقوا مدرعتين وحاولوا يعبروا بيهم الحدود لكن قوات اسرائيليه دمرت المدرعتين وقتلت الملثميين اللي قتلوا الجنود المصريين وبكده يبقي القضيه اتقفلت لان بموت الجاني استحاله تعرف مين اللي وراه او مين اللي بيحركوا

في عز الحزن والزعل علي الجنود اللي ماتو خرجوا ناس كتير بيتهموا جهاز المخابرات المصريه بالاهمال وحملوه المسؤليه ورا اللي حصل وفوجئ الجميع ببيان من مراد موافي رئيس جهاز المخابرات المصري بيقول انو كان عندهم معلومات باللي حيحصل وبلغوا الجهات المختصه (اللي المفروض هو المجلس العسكري) وان دورهم بيوقف عند التبليغ فقط والجهات المختصه هي اللي بتقوم بالباقي
و ضمن المفاجات ان المخابرات سحبت عناصرها من معبر رفح وسلمت المعبر للامن الوطني ( امن دوله )
في الوقت ده خرج توفيق عكاشه واتهم حركة حماس بانها هي اللي قامت بالعمليه (رغم ان لحد دلوقتي لسه محدش مين اللي قام بالعمليه ) وخلي فيه مبررات لتدمير الانفاق بين مصر وغزه ده بالاضافه انو قال اسارئيل بريئه وان مرسي هو السبب في اللي حصل لان سايب الحدود مفتوحه للفلسطنيين

شهادة احد الجنود اللي نجي من عملية القتل قال انو سمع الناس اللي قاموا بالعمليه وهما بيصيحوا الله اكبر يعني عرب وعلي فكره في حركات جهاديه كتير اسرائيل مخترقاها يعني اسرائيل ليها عميل من قيادات الحركه ودور العميل ده انو يوجه الحركه للقيام بعمليات قتل واغتيال زي اللي حصلت في رفح وطبعا بعد ما اسرائيل قتلت الارهابيين اللي قتلوا جنودنا علي الحدود بكده القضيه اتقفلت واستحاله حد يعرف الارهابيين دول تبع انهي حركه ومين اللي وراهم وبكده التهمه تثبت علي حركة حماس

طبعا في اسئله محيره
 ازاي الكتيبه مفيهاش حد واقف نبطشيه اصل الجيش والشرطه لو في واحد بيعمل حاجه لازم بيبقي في واحد واقف مكانو الدنيا مبتتسبش كده من غير حراسه
بالاضافه ان الطب الشرعي نزل تصريح بيقول فيه عدم اصدار قرار من النيابه بتشريح الجثث يكشف ان الحادث عسكري وليس ارهابي واشمعنا الجثث متشرحتش سؤال محير برضوا

 ازاي المشير انفعل وقال وضع سيناء ميه في الميه وادينا شايفين حال سيناء

 
علي العموم كل الاسئله دي اجابتها عند اللي رفض ان الجثث تتشرح
طب تعالو كده نشوف مين المستفيد وطبعا المستفيد بيبقي هو اللي قايم بالعمليه
المستفيد الاول اسرائيل
المعابر المصريه مع فلسطين اتقفلت لاجل غير مسمي
الانفاق اللي تحت الارض بيتم تدميرهم ( الانفاق دي بيستخدمها الفلسطنيين عشان يدخلوا الاكل والمستلزمات الضروريه لما بتبقي المعابر مقفوله )
كرهه المصريين للفلسطنيين وخصوصا بعد الدور القذر اللي بيعملوا توفيق عكاشه ومحاولته تثبيت التهمه علي حركة حماس
المستفيد التاني المجلس العسكري
زيادة كرهه المصريين لمحمد مرسي خصوصا انو رئيس الجمهوريه وهو المسؤل عن اي حاجه بتحصل في مصر وده بيخلي ناس كتيره تنضم لتوفيق عكاشه ومحمد ابو حامد في ثورتهم ضد الاخوان وتايده للمجلس العسكري
انشغال المصريين بمشاكل جديده عشان محدش يركز في المشاكل الاساسيه استرجاع اموال مصر المهربه – الافراج عن المعتقليين في السجون العسكريه – وطبعا محاكمة المجلس العسكري علي الجرائم اللي عملها في حق الشعب المصري
ومؤيدين مبارك اللي هما مؤيدين المجلس العسكري بعد ما كانو بيستخبوا دلوقتي بقوا بيطلعوا و اعتدوا علي نشطاء كتير زي الدكتور عبد المنعم ابو الفتوح ونادر بكار


  
والفائده الكبري
ان يكون في سبب قوي عشان الجيش يدخل سيناء ويمشطها كويس ويقبض علي ناس كتير وبالتالي يضمن ان خط الغاز اللي بيوصل الغاز لاسرائيل ميدمرش تاني 

لو سمحت ممكن تشغل عقلك شويه اكتر اتنيين خسرانيين هما الفلسطنيين واهل سيناء اكيد استحاله يبقوا هما اللي قاموا بعملية رفح

هناك 6 تعليقات:

  1. كلام مظبوط ويدخل العقل

    ردحذف
  2. بالمناسبة اصلا الغاز وقف من زمااااااان ثم هو اصلا ميين اللى اتبنى تفجيروا؟ دور انت بقى وشوف
    فكرة ان اسرائبل عارفة طبيعة العملية طب مكانتشى اصلا نبهت مواطنيها ولفتت النظر اصلا ده غير ان العملية ماثرتشى على الصهاينة اللى فى سينا اصلا للعلم بس

    ردحذف
  3. اولا التعليق ممتاز ومستواه الفكرى عالى جدا ــ ثانيا : لغة الكلام والحوار في التعليق لغة ركيكة جدا وأنا شخصيا عانيت ووجدت صعوبة في متابعة الكلام المكتوب .. لغة عامية سقيمة وغبية ولاأجد أى مبرر لاستخدام هذا الاسوب الركيك وبخاصة ان من يدخل لهذا المستوى من الصحف الالكترونية يتمتع بمستوى فكرى وعقلى عالى ــ ثالثا : واضح جدا ان قرار اغلاق المعابر وتدمير الانفاق قد تم اتخاذها من فترة سابقة وكان المطلوب فقط تنفيذ العملية للبدءفي حصار شعب غزة ــ رابعا : واضح جدا أن قيادات الجيش المصرى تمارس دورها جيدا في حماية العصابات الصهيونية في الداخل المصرى وفي الجانب الفلسطينى ــ وهذا الدور قائم ومتصل من ايام الملك فاروق واعلان الدولة الصهيونية على ارض فلسطين

    ردحذف
  4. بسم الله الرحمن الرحيم
    اشكركم لنشر التعليق السابق باسمى ـ واحب ان اضيف ان جهاز المخابرات والامن القومى وبعض القيادات العليا فى الجيش ضالعون جميعا مع المخابرات الصهيونية في مخطط تدمير العلاقة بين مصر وغزة ـ الجميع يعرف ان الارتباط بين مصر وغزة يشكل اول خطوة في انهيار النظام الصهيونى على ارض فلسطين ـ والجميع يعرف ان منظمة حماس العربية الاسلاميةكانت هى الشرارة التى اطلقت الثورة المصرية والثورات العربية ــ ومعروف للعسكريين ان غزة هى رأس الحربة في خاصرة النظام الصهيونى على ارض فلسطين ..وانم مصر هى قاعدة المعركة والمخزون الاستراتيجى للحرب طويلة الامد بين العرب والنظام الصهيونى .
    مافعلته القيادة العسكرية بتنفيذ المخطط الصهيونى لاحراق غزة وسيناء واحداث فجوة هائلة بين الشعب المصرى وشعب غزة يشكل جريمة استراتيجية كبرى في حق العروبة والاسلام وفي حق القوة الاقليمية لمصر .. فافعله الجيش المصرى يقلب جميع التوقعات ــ لقد وثقنا في القيادة العسكرية المصرية والآن نحن نطالب بمحاكمة المجلس العسكرى كله

    ردحذف
  5. المستفيد هم الاخوان
    كما قلت ان المستفيد هو من نفذ العمليه وكما طلبت اعمال العقل والتعقل والتحليل ستجد ان هذه العمليه الارهابيه نفذها الاخوان لتكون سبب اتغير جميع القيادات التي تقف عقبه امام الاخوان ووضع الشخصيات التي توافق توجهاتهم بدون اعتراض وتنفيذها حرفيا والتخلص من كل اوجه المعارضه وتقهقر الجيش الي الحدود وترك السلطه لهم تمام كما فعل اليهود يوم11/9/2000عندما ضرب برجي التجاره العالمي بأمريكا لتكون حجه لمحاربه الاسلام

    ردحذف