اشمعنا الاسلام

لان ببساطة الإسلام هو الدين الوحيد في الوقت الحالي اللي ليه أتباع بيقتلوا ويدمروا باسم الإسلام ، يعملوا كل جريمة وجريمة ويقولوا أن الإسلام أمرنا بكده

يفجروا برجين ويموتوا ناس أبرياء ويقولوا دول كفار لازم نحاربهم ، سايبين الجنود الأمريكان في أفغانستان يقتلوا فيهم وراحوا يقتلوا مواطنين مدنيين في أمريكا في اوربا ودول عربية كمان

وقيس علي كده حاجات كثير ، تفجيرات في أمريكا وفي أوربا ، ده حتى المسلمين اللي زيهم مسلموش منهم ، قتلوهم في اكتر من تفجير حصل في الدول العربية

طبعا ده غير الجماعات الارهابيه اللي كانت في مصر في الثمانينات والتسعينات ، واللي رغم أنهم اعتزلوا العمل المسلح لكنهم لسه بيعظموا وبيقدروا تنظيم القاعدة وبيترحموا علي أسامة بن لادن لان فكر تنظيم القاعدة ده أساس فكرهم اللي مش قادريين يتخلصوا منه

وبما أن الغرب منتشر عنده أن الإسلام قام علي القتل وسفك الدماء وانتشر بحد السيف ، وبما أنهم شايفين جماعات إرهابية بتقتل فيهم وواخدة من الإسلام شعار ليها وبما أن إعلامهم شغال تشويه في الإسلام والعرب ويتهمهم بالإرهاب ، إضافة لان رجال الدين والإعلام العربي  مش فاضيين من التعريص للحكام والملوك العرب

فلذلك أنت تري نساء من حركة فيمن يحرقوا لافتة عليها لا اله إلا الله