مرسي الكداب : تجميعه لكل اكاذيب مرسي

كنت مأجل التدوينه دي شويه بس وقتها جه دلوقتي عشان اعمل تدوينه فيها كل الحاجات اللي قالها مرسي وكدب فيها وطلع في الاخر نصاب وعد الناس بوعود ورجع خلفها كلها وده  مش حاجه غريبه علي الاخوان اللي سابو الميدان بعد التنحي

في بداية فوز مرسي قال انه مش حيقابل ولا رئيس من رؤساء الدول اللي بتساند بشار وراح قابلهم كلهم

وده فيديو ليه بيقول انه مش حيقابل احمد نجاد وبعد كده راح قابله عادي وسافرله لايران ونجاد جه مصر

اما الفيديو ده من ايام ما كان عضو مجلس شعب وبيتكلم ان فوائد البنوك ربا والربا حرام وبعد ما بقي رئيس جري علي صندوق النقد الدولي عشان يجيب قرض بالفوائد

اما ده بقي فكان قبل الانتخابات وكان بيوعد الناس ان مفيش قناة حتتقفل ولا صحيفه حتتصادر وكل ده عشان يريح الناس ويدوله صوتهم وبعد ما بقي رئيس اتقفلت قناتين واتصادرت صحف واتمنع كتاب واتحاصرت مدينة الانتاج الاعلامي

وهنا مرسي بيقول علي عبد المجيد محمود انه مقصرش في التحقيقات الخصاة بقتل الشهدا ، وبعد كده شاله وجاب نائب عام ملاكي بداعي ان عبد المجيد محمود كان متستر علي النظام السابق

وهنا مرسي بيرفض الاعلان الدتوري اللي اصدره المجلس العسكري لانه باطل عشان الشعب مستفتاش عليه ، وبعد كده نزل اعلان دستوري من غير ما الشعب يستفتي عليها

اما ده فا مرسي شايف ان حرمة دم السفير الامريكي اكبر من حرمة الكعبة لكن قتل المصريين عادي

والفيديو ده مرسي قبل الانتخابات بيقول انه مش عايز حراسه وبعد الرئاسه بقي بيخلي الاف العساكر تامنه كل ما يروح مكان

والفيديو ده محمد مرسي بيرفض قرار الضبطيه القضائية لافراد الجيش لانه حيسئ استخدامه وبعد كده ادلهم حق الضبطية في الاستفتاء


وهنا مرسي بيمدح احمد الزند ونادي القضاه قبل ما يقلب عليهم عشان وقفوا قصاده


وهنا محمد مرسي ايام مبارك كان بيشتم الاسرائليين وبعد ما بقي رئيس بقه حببهم وبيراسلهم عادي


وده برضه بيتكلم عن حرية العقيده والدفاع عنها وفي الدستور اللي جامعته عملته اقتصر الاديان علي الاديان السماويه فقط اضافة اللي الاضهاد اللي بيشفوه لمسحيين في مصر


وهنا في 2005 بيتكلم علي انهيار عقار وبيقول لازم المسؤليين تتحاكم ولما وقع العقار في الاكندريه ولا عمل اي حاجه

ودي الكدبه الكبيره اللي كدبها في المانيا لما قال ان الشعب هو اللي عايز قانون طوارئ


وهنا بيقول لمحمود سعد انا عايز الشعب يثور ضدي لو محترمتش الدستور ولا القانون ، واهو محترمش الدستور والناس ثارت ضده وهو نازل فيهم قتل وسحل


وهنا بيهاجم وزارة الداخليه عشان في واحد اخواني مات في مظاهره في 2005 وخمسه اما في حكمه فبيموت بالعشرات ولا اي حاجه بتحصل


اما هنا فكان بيقول لازم الحكومة تقال لما كان عضو مجلس شعب اما لما بقي رئيس فاكتفي بانه يمشي وزير المواصلات


هنا قبل الانتخابات وبيقول حاعيد التحقيق في قضايا قتل المتظاهرين ولما بقي رئيس براءات الظباط تواصلت ولا عاد محاكمات ولا عمل حاجه


وهنا بيقول انه حيصلي كل جمعه بالجلابيه ومن غير حراسه وفي منطقة عشوائية طبعا كل الكلام ده بلح ولا عمل ولا حيعمل حاجه منه دي شعارات انتخابيه مش اكتر

وفي النهايه حنهي كلامي بالحديث القائل

آيَةُ الْمُنَافِقِ ثَلَاثٌ : إِذَا حَدَّثَ كَذَبَ , وَإِذَا وَعَدَ أَخْلَفَ , وَإِذَا اؤْتُمِنَ خَانَ ...

صدق رسول الله صلي الله عليه وسلم